Që nga fillimi i kampanjës  së  Administratës Tatimore të Kosovës për kuponët fiskal  e  deri më tani janë rimbursuar  mbi 29 milion euro, ndërsa  janë rimbursuar 1,531,617 milion qytetar.

Zëdhënësja e ATK-së, Valentina Bytyqi tha për arbresh.info se ende nuk kanë planifikuar qe të ndërrojnë formën ë rimbursimit të kuponëve fiskal, mirëpo sigurisht që do të ketë ndryshime pasi që ne çdoherë bëjmë përpjekje që të gjejmë formën më të përshtatshme për qytetarët.

“Sa i përket formës së vjetër, ajo ka qenë formë unike e cila ka arritur që në masë të madhe t’i edukojë qytetarët rreth rëndësisë së kuponit fiskal. Forma e kaluar i pati kthyer qytetarët në ‘inspektorë’ pasi që pas çdo blerje  ata kanë kërkuar qe të pajisen me kuponë fiskal”, shtoi ajo.

Kampanja aktuale e ATK-së për rimbursim, e cila u implimentua në muajin korrik 2017 është e dizajnuar pak më ndryshe, është lehtësuar mënyra e aplikimit, qytetarët më nuk e kanë të obligueshme ti dorëzojnë plikot me kuponë fiskal në Postën e Kosovës.  mundësitë e përfitimit janë shumë  më të mëdha, pasi qe shuma që mund të rimbursohen qytetarët është nga 25 deri në 100 euro-transmeton arbresh.info

Pas ndryshimit të mënyrës se aplikimit, numri i qytetarëve që aplikojnë për rimbursimin e parave për kuponët fiskal është më i vogël por që është në rritje, tha Bytyqi./Arbresh.info/